[12W3D] 十二週半之突然轉醫生

今早，因為有D「作感冒」，所以找了「由細睇到大」的家庭醫生睇睇。
之前有孕無特別睇佢。搵左之前都有睇開的婦科「中環黃醫生」去產檢。

但家庭楊醫生在知悉我睇佢時，就叫我轉醫睇林勇行。

我追問楊醫生係咪黃醫生有咩問題，佢回說「我同佢唔熟，不過林醫生係一個好有醫德的人。我自己兩個小朋友都係佢接生的」。

佢仲話林醫生的產檢設施在香港係數一數二。

之後，我找媽咪同老公商量，佢地不約而同地話，楊醫生不是一個多是非的人，佢咁講，好似暗示有人不太有醫德咁。不如真係睇睇林醫生。

我又膽粗粗咁約林醫生，佢又即日有期！即去碼！

去到診所，第一感覺麻麻，因為裝潢太好，感覺好商業化。

不過， 見完林醫生，我便決定轉了；原因：
1. 佢真係好細心。我本身肥地，肚皮脂肪偏厚，肚照唔易。林醫生好有耐性咁，幫我肚照又陰照，照到睇得清清楚楚為止。
2. 設施真係好。之前黃醫生到睇U／S，都係蒙查查的；但佢呢到就清到佢未講，我都睇到BB個左右腦、胃、心同堆手指仔。

林醫生貴嗎？我之前睇的黃醫生都係同一個級數，價錢差唔多。

另外，雖然黃醫生昨天度頸皮無1.5，RATION係1：11xx，低風險。今日林醫生度有2.2；因為我係高0，所以佢建議我做nifty test。我也決定做了。林醫生話，佢覺得都係低風險（因為BB有清楚的鼻骨），但做OSCAR係90﹪準確，做NIFTY有99﹪。

所以決定做。14日後有結果。