自11月初，

我們的二人世界正式宣告「死亡」；

經過三個星期的相處，我覺得有工人固然是幫到手，

但我亦真的非常不適應家中多個外人；

自從有了工人後；

家中的整潔指數以幾何的方式培增！

有時幾唔鍾意有外人在家都好，

起身見到個洗手間整潔到好似酒店咁，

就覺得咩都算喇。

講真，

我都算整潔的人，

之前每個星期都會洗廁所，

但我真的不會好似工人咁仔細地摺毛巾呀，放好D日用品咁，

仲要係每一天呀！

最不慣的，

應該是老公。

以前得我地兩個人，

佢都係著住UNDER、或短褲就走來走去，

宜家，佢起身第一件事係換整齊服裝先走出去梳洗自己。

回家後，又會堅持最後一刻（即工人番房後）先沖涼；

見到佢咁都幾搞笑呀。

另外，

我覺得我工人係一個算叫做純品、好慳家、幾勤力、但為食同埋好有主見的人。

當然，

每個人都有優點缺點，

我信奉的是result-oriented；

尤其是無關BB的事，

佢鍾意點咪點囉，

叫佢做的事妥當就是喇。

我自己都係打工仔，

都唔鍾意個老細吓吓Step by Step咁要的跟住做啦。

So Far, 同工人相處都OKAY。

但唔鍾意佢的存在就一定的。

希望BB出世後，

日子都可以繼續太平啦。

如無意外，

兩個星期後的此刻，小豆應已在我的懷抱中了。（希望一切順利）

為了迎接小豆，

以及會來造訪我家探小豆的親朋戚友，

我準備了一些用品／物資：

1. Polaroid + 小豆初生記事簿

我在tintint.com 印製了一本記事部，封面是一幀我頗喜歡的DIY大肚相，

內裡的頁面設計非常簡單，

是可以上圖下字的；

屆時，我將會帶埋我即影即有仲可以存檔的Polaroid入院，

所有探我的親友也可以即時跟小豆拍照留念，

更可加所一張貼在記事簿上，

寫下一些祝福語呀！

2. See's Lollypops ＋ 淘寶的Decor

一早已打算在薑醋以外多準備一些糖果送贈親友。

See's Candies的糖果有品質的保證，

絕對是我的不二之算（個人就是懶，不想煩去SOURCE），

因為是囝囝，所以有打算過訂朱古力雪加的；

不過實在有點貴！

感覺上讓是Lollypops好像化算點（做左人阿媽，係會知慳識儉一些的）；

再加上在淘寶訂購的小設計，是否很可愛呢？！

我會帶少少入院，

放少少在家，

而且，送少少番公司咁啦。

希望將我的喜悅同甜蜜發送出去！

坐月的時候到底會時甚麼境況的呢？

我真的毫無頭緒。

可以沖涼洗頭嗎？

開刀後甚麼時候可以開始補身？

餵人奶到底是怎樣的一回事呢？

這些，我通通不知道。

我唯一知道的，是我要為坐月準備一些衣服。

點解？因為我大部份的家居服也是背心裙、波衫短褲、以及性感小睡衣。

哈哈。

一想起，在坐月期間，

有人探我（雖然也應該是以探BB為主），

也不能穿得太隨意。

但又不想太花費。

所以，乘著雙11節大折扣期間，我買了一些坐月用家居服。

特別推介以下這家店：淳度

原價378／特價142／雙11價129

原價478／特價149／雙11價135

貨已收齊，質料非常好！！

款式多不土。推介！

另外，亦買了一些鬆身的哈倫褲；

平平地，幾十蚊人仔就有交易。

都不錯呀。

在八月BB展時，買入了一條Lemon色的Baba Sling。

選擇Lite款的原因是較輕身、以及透氣度較高；

適合香港這個潮濕悶熱的天氣。

而且，初生期間，已可使用。

當時，是打算買來，出院用的；

而且，即使其後不用，

亦可以交予工人使用。

一個月後的今天，

我的身份便由「人妻」，更新成為「人妻+人母」了。

這陣子，實在忙於工作，

在產假前盡最後的一分力。正所謂，「清得幾多得幾多啦」，

都唔想因為我消失十星期而讓下屬們成為「忙瘋鳥」的。

再加上，情緒越來越不穩定，

一時又好期待孩子的到來，

一時又好害怕往後的生活不知會變成如何，

有時，甚至會發惡夢，夢見自己幫BB沖涼時「浸親」個仔，

真的嚇個半死。

所以.... 實在沒有時間及心情去更新網誌。

真心佩服那些可以逐星期去記低自己懷孕心情的網友呀！

自上星期起 (即進入34週後)，

我的手指和腳掌開始腫了。

情況只可以用慘不忍睹去形容。

只想可以盡快放產假，

因為實在不想再見人了。

不過，唯一慶幸的，

是我的樣子還未算是「失手」，

人家說的「陀仔會腫鼻」，

還沒有出現在我的身上。

讓我送上一張近照給大家吧。

我沒有拍「孕婦照」，

一個字，就是「懶」，

但也會久不久在家中影一兩張留念。

效果也算不錯呢！