O媽媽我最近的情緒病有翻發的跡象，
常常也會無端端變了「慌失失奇兵」，
再加上要上班、湊仔還有讀書進修，
連寫BLOG的時間及勁兒也沒有多少。
但，我仍會堅持一月四篇這個目標的（盡量啦，三月失手了）！
O仔轉眼又大一個月。
這個月他的成長主要是說話及行動力兩方面。
行動力的表現尤其理想！
他不但行得穩，而且上落樓梯也可以在「不用扶」的情況下慢慢自行完成。
當然，在熟悉的環境（如愉景灣）內，
他的表現就更為突出！
不過，慶幸他是那種「叫得停、喝得住」的小朋友，
So Far，只要O媽媽的「音波功」一出，
他便會乖乖停下來了。
要Keep住乖乖呀！
身高
不詳
體重
不詳
飲食
開始好麻煩。
心情好時，多多都食；
心情不佳時，就迫都唔食。
另外，就是會「搵人蝦」，
我餵呢，好似想打咁衰。
工人餵就好快手。
爸爸餵就簡直無敵！
另外，就是愛吃餸不愛吃飯。
食三至五口飯就緊合小咀，
一送上肉呀、菜呀、魚呀，就口張開。
好想教訓他！
身體發展
大小手肌的發展算好好。
攀爬無難度。
上落樓梯無難度。
自己餵食飯都得，
疊積木、貼貼紙等也做得好好！
說話及指令
容許我認一次叻。
我想講，說話／認知呢一方面，
O仔應是盡得本人真傳。
引述O婆婆的分享，
O媽媽我一向是「死淨把口」的人。
自細已是「靠把口」「搵食」的；
O仔在說話能力方面，
我不會說超班，
但肯定算是多多野講的一群。
單字方面，他已懂Cat, Car, Dog, Bird, Nappie, Happy, Yummy, Apple, Banana, Bear, Baba, Mama, Byebye, Hi, 等等。
雙音方而，他也會「我要」, Auntie, Thank-you, e-o, Please等字。
問佢What's your name/你叫咩名？都會識答'E-o' (Theo)。
食完飯會幫手收拾，拿到去廚房俾工人時會識講Thankyou。
工人姐姐幫佢換尿片也會懂得說Thankyou。
揮手、飛吻同埋握手都好願意做。
表面睇落，絕對是一個親善大使。
不過，世事又豈會如此完美呢？
以上所講，全屬限於在O爸媽及工人姐姐面前適用。
其餘人等，一律只會沉默應對。
唯有繼續努力鼓勵吧！
「閱讀」仍然是O仔最大的「娛樂」；
每個晚上，O媽媽一定會伴讀兩三本書。
有時，他會「唔夠喉」而要求「加鐘OT」的。
O媽我當然樂意奉陪！
現在的他會選書，有Preference。
但我會堅持一定要起碼一本中文一本英文書！
其他活動
去了iSquare的Playhouse玩，唔錯呀！
與友人一家一起去Disney Hotel吃Tea Buffet。
在家中Set場剪髮中
