為了人奶,你可以去到幾盡?

, , 30 comments

之前,也曾經分享過我是一個屬於生活在貧窮線下的媽媽

不過,就算再「窮」,

我也盡力為O仔提供人奶,

我每天也會不斷跟自己說「餵得一安得一安」!

即使未能做到「全人奶」,

但每一餐基本上也可以讓O仔以人奶作頭盤。(大概兩安吧!)

至今,已經是3 個月有多,

在可預見的未來,

我也會繼續堅持下去。

為了餵人奶,我其實真的付出了不少!

連我老公也非常詫異,

因為,最初我其實是有點抗拒餵人奶的!



首先,我試過以不同的泵去幫手!

我用過的有Avent單泵 (朋友借)、Avent雙泵(朋友借)、Avent手泵(購買)、Medela Swing (朋友借)、同埋Spectra S1 (購買)。

是否很誇張呢?

我覺得自己簡直可以寫一篇奶泵的評論呀!

如果你是一個準媽咪,我會建議你買一個手泵加一個雙電泵。

手泵,是最方便的,基本上我出街是一定打備手泵的;因為那便不用趕頭趕命歸家泵奶吧。

雙電泵嘛, 一個字,夠快。

但坊間有的雙電泵亦有很多選擇,例如AVENT、Medela Swing Maxi、以及新興的韓國牌子如Unicom和 Spectra。

我是十分推介Spectra S1的;因為一來這是醫院級的電泵,可作單泵或雙泵使用;而且可以叉電後泵三次。有時,在廳中泵奶時,聽到阿仔在房喊,我可以一手提起個泵就入房看看情形,不用停泵,亦不用手忙腳亂。而且只要購買Handfree Bra,那便跟Medela Freestyle是沒有分別的,但價錢卻只需HK$1,800 (購至G-Market,連運費)。至於力度方面,Spectra S1有兩個模式,12種吸力。但基本上,我九成以上時間也只是使用按摩模式而已。

目前,我在家中用Spectra,把Avent放在公司;出差時用手泵及Avent 單泵。

除了買泵之外,

我亦試過More Milk Plus,及造訪母乳顧問Mrs Chee。

我大概是在O仔個半月時購買More Milk Plus的。食完後,我的奶量由每次泵一安提升至一安半。升幅有50%,但當然不夠!

然後,我在2月中時約見了Mrs Chee。

方發現我這個新手媽媽竟分辨不出塞奶和谷奶。「汗」

我有yeast infection,所以導至塞奶;

Mrs Chee幫我通了兩次後,

目前每次的泵奶量已提升至2安至2安半。

總之,每天共可造差不多十安奶。

當然,比大部份人奶媽咪,

我這點產量絕對失禮人,

不過,由一安升至兩安這個一倍升幅,

我也付出了不少,

真的是對得起個仔有餘了!

雖然,現在每天也活在堅持與放棄之間的掙扎中,

不過,望見這數個月的努力的是有少許回報的,

暫時也不想放棄。

起碼,

應該會繼續至我四月底出差KL一星期吧。



*另外,我應該會在掛泵後出售Spectra S1,如有興趣,可留言。

30 則留言:

  1. Im interested ar, wanna buy for my sister, is it handy ? Where can i buy the la ba set .

    Nikki

    回覆刪除
  2. 你做得好好呀,加油!我嗰時都係準備左avent 電雙泵同tt手泵(朋友送),但我皮膚薄,每次泵嘅拉扯都令我好痛,皮膚仲裂左,但細力度啲又出唔到奶,spectra s1相比avent雙泵呢方面會好啲嗎?如果可以,如有下一胎都想再試!

    回覆刪除
    回覆
    1. 我個人覺得講舒適度係SPECTRA>AVENT>MEDELA的。
      不過,可能是個"杯型"同你夾唔夾有關呀!

      刪除
  3. 這種「盡」是以前無法想像的,加油! 見你的進步左咁多,其實我也很開心,因為你堅持都算有不錯的成果!

    回覆刪除
    回覆
    1. 其實最鬼異的,係明明得好少奶,明明之前好瀟灑,唔知點解去到最後又會變得好堅持!

      刪除
  4. 好勁呀, 媽媽嘅力量同能耐真係好勁
    為咗仔仔好, 我覺得藉得嘅, 加油呀

    回覆刪除
  5. 我個陣係靠個FREESTYLE捱左成年, 由未生決定買, 就下左決心!! 到一歲個陣唔哂泵, 真係好似放監咁呀!
    加油, 人奶媽! GO GO GO!

    回覆刪除
  6. 好認同"每天也活在堅持與放棄之間的掙扎中"
    我都係窮媽, 覺得付出的努力時間同回報唔成正比
    餵人奶個COST好高有時好想放棄
    但當你餵開人奶就好奇怪會有一種堅持,唔知點解辛苦都想繼續
    呢種矛盾思想講講下就持續左半年 HAHA

    回覆刪除
    回覆
    1. 你說得好對呀 係唔知點解有一種信念讓你堅持下去。

      刪除
  7. 現在囡囡15日大,
    去到健康院,姑娘話我要再餵密d,要增磅,..
    因為太累,做唔到一個半至兩小時餵一次
    囡囡又未學識啜..
    真係每次都想補奶粉...日日掙扎
    到這幾天...開始見到佢開始學識..次次有濕片..又食得又滿足..先知道堅持有成果
    原來作為媽媽的確有這種神奇力量和耐力使你堅持
    加油!

    回覆刪除
  8. 第一胎真係特別論盡, 我都係靠超驚人的意志去捱過個段時期
    放心啦, 妳經歷又學左咁多, 如果再生第2胎, 好可能就會似我咁爆多奶啦!

    回覆刪除
  9. 好耐冇上blog, 轉眼bb3個月大喇~^^你依家一日泵幾次?我頭5個月都係全泵,追奶期係泵密d, 但你要返工比較麻煩, 惟有放工增取時間, 加油呀~阿仔快2歲, 仲未捨得戒奶

    回覆刪除
  10. 我都係窮媽媽... 有真心要放棄,但決定放棄之後居然仲多番D,奇怪到爆!不過都係唔夠,一日有2-3 餐全奶粉~

    回覆刪除
  11. 你好,請問你係邊到買spectra揼?
    我都想買嚟用!
    請send email俾我,謝謝
    yuki
    yichingyi@hotmail.com

    回覆刪除
    回覆
    1. you can get that at G-Market! Cheaper than HK.
      Or you can find 韓國直購 helps you.

      刪除
  12. 請問韓國邊到有得買spectra 9?同埋想問avent 奶樽口適合spectra電泵嗎?

    回覆刪除
    回覆
    1. 在G﹣MARKET買的。
      買的時候,我告訴店主的是用AVENT的,可配合用。

      刪除
    2. 在韓國當地都係G-MARKET買?當地有無商場或商舖可以買到嫁?

      刪除
    3. 咁真係唔知。你可以去官網搵資料呀。

      刪除
  13. 你賣咗個泵未?我有興趣

    回覆刪除
  14. 你好,我也是"每天也活在堅持與放棄之間的掙扎中"的赤貧媽,我泵得好少,講緊每次兩邊夾只係有20ml早兩日仲要泵唔出!唉~!想問下Ms Chee貴嗎?難唔難卜?

    回覆刪除
  15. 可以告知mrs chee的聯絡嗎?謝謝

    回覆刪除
  16. mrs chee 主要是幫通乳線嗎?1000一次好似好貴,值得嗎?

    回覆刪除