不再二人的世界

自11月初，

我們的二人世界正式宣告「死亡」；

經過三個星期的相處，我覺得有工人固然是幫到手，

但我亦真的非常不適應家中多個外人；

自從有了工人後；

家中的整潔指數以幾何的方式培增！

有時幾唔鍾意有外人在家都好，

起身見到個洗手間整潔到好似酒店咁，

就覺得咩都算喇。

講真，

我都算整潔的人，

之前每個星期都會洗廁所，

但我真的不會好似工人咁仔細地摺毛巾呀，放好D日用品咁，

仲要係每一天呀！

最不慣的，

應該是老公。

以前得我地兩個人，

佢都係著住UNDER、或短褲就走來走去，

宜家，佢起身第一件事係換整齊服裝先走出去梳洗自己。

回家後，又會堅持最後一刻（即工人番房後）先沖涼；

見到佢咁都幾搞笑呀。

另外，

我覺得我工人係一個算叫做純品、好慳家、幾勤力、但為食同埋好有主見的人。

當然，

每個人都有優點缺點，

我信奉的是result-oriented；

尤其是無關BB的事，

佢鍾意點咪點囉，

叫佢做的事妥當就是喇。

我自己都係打工仔，

都唔鍾意個老細吓吓Step by Step咁要的跟住做啦。

So Far, 同工人相處都OKAY。

但唔鍾意佢的存在就一定的。

希望BB出世後，

日子都可以繼續太平啦。