[24W6D]情緒起伏

我自問性格向來穩定的人。

不敢說EQ好高，

但因為職業的關係，

大部份的時間，

我都可以說是忍功超強的。

我很少發脾氣。

不會太開心，亦不會太不開心。

不過，自懷有小豆以後，

情緒，出現了近五年來的最大起伏。

有時，會無端端地覺得好SAD，

有時，又會無端端地覺得「唔知自己大肚咁辛苦為咩」，

其實，我陀仔已算做陀得好。舒。服。




因為我沒有嘔、沒有暈、行得走得連追巴士都得！

不過，因為個肚一日一日咁大，

覺得自己好「論盡」，

就算身邊的同事、朋友都覺得我唔算論盡都好，

我就係覺得自己「成隻企鵝」咁囉。

有時，「攤」左係梳化睇電視，

要起身時，係必須要老公幫手先得。

老公口講話覺得我宜家好可愛，

但... 我一向唔係就卡娃而路線的嘛，

話我可愛... 其實我唔係好受落囉。

另外，BB開始踢踢了，

人地話開始覺得踢會好有FEEL，

但我一點也不覺得.....

好多時.... 開開吓會，佢一踢，我覺得會「尿急」，

但唔係吓吓可以去WE WE的嘛....

不過，踢我可以FEEL到他的存在，

感覺生命係好奇妙，

但如果突然FEEL唔到，

又會胡思亂想。

真係唔知自己想點。

我唔係唔鍾意小豆，

事實係我們二人為小豆也準備了很多。

只是....

有時，

覺得為人父母真的會「諗多左」，

好多野，

係又諗唔係又諗....

根本就自己嚇自己。

唉，我都係呻吓之嘛.........